Konsert 24. april 2025

Kl. 19.00

Kari Rønnekleiv er ein av Noregs mest spanande og framtredande fiolinistar. Ho var med på å starte ensemblet Trondheimsolistene og har blant anna gjeve ut fire kritikerroste album i duoen Sheriffs of Nothingness, saman med komponist og fiolinist Ole-Henrik Moe. I tillegg gav dei saman også ut det fantastiske verket Ciaccona/3 Persephone Perceptions (Moe som komponist, Rønnekleiv som fiolinist) som dei fekk Spellemannprisen for.

 

Som klassisk fiolinist har Kari Rønnekleiv spelt solo-sonate i a-moll og solo-partita i d-moll av J. S. Bach sidan studiedagane. No, etter 30 år er det spanande å høyre kva erfaringar frå livet som kan vise seg i tolkninga på det emosjonelle plan, men også utifrå erfaringar med improvisasjon, folkemusikk, samtidsmusikk og tidleg musikk. Dei siste åra har ho jobba aktivt med å intonere meir reinstemt (som er vanlegare i norsk folkemusikk) og å tøye rytmar og stemningar basert på meir utforskande innfalls-basert musisering, som ein kan oppleve til dømes i fri improvisasjon.

 

At konserten er satt til veka etter påske er ikkje tilfeldig, då tematikken i verka er basert på Jesu død og oppstandelse. Kari Rønnekleiv seier sjølv at ho håpar at hennar tolkning vil gi oss ei tydeleg oppleving av dei harmoniske variasjonane og den sterke tematikken.

 

Billettar 250,-
Honnør 200,-
Student 150,-

UngInn 50,-

 

Billettar kan kjøpast i døra eller på Tikkio: https://tikkio.com/events/56067